Мораҙым ауылында урындағы инициативаларға булышлыҡ итеү программаһы сиктәрендә төҙөлгән балалар спорт һәм уйын майҙансығын шәхси эшҡыуар Бакиров Марат Ришат улы аукционда еңеп сығып төҙөнө . Проектты бойомға ашырыу өсөн Башҡортостан Республикаһы ҡаҙнаһынан 700 мең һумлыҡ субсидия бүленһә, халыҡ 105 мең һум ҡушып финансланы. Ауыл халҡы йыйылышта ошо программала ҡатнашырға тип ҡарар иткәйне, йыйылышта ҡуйылған маҡсаттар тормошҡа ашырылды. Был эшкә үҙ өлөшөн индергән Мораҙым ауылы халҡынына һәм эшҡыуарҙарға ауыл хакимиәте ҙур рәхмәтен еткерә. Спорт һәм уйын майҙансығы әүҙем ял итергә мөмкинлек биреп, халыҡҡа оҙаҡ хеҙмәт итһен. Яҙ етеп, ер ҡарҙан әрселгәс майҙансыҡты асыу тантанаһын үткәреп, актив ҡатнашыусыларҙы бүләкләп үтербеҙ.
